2022-06-25 18:19:51
@jaalala
NAN GAABBE !
Walirraa adda hin baanu
Kakannee erga jennee
Onnee kiyya qulqulluus
Ergan banee siif kennee
Hanga lubbuu kiyyaatti
Si qofa ergan yaadee
Abiddi jaalalakees
Guggube erga na waadee
Garuu,
Jaalallikee dhimmisuu
Amma ergan laalee dhaaphee
Sobdee na jaallachuunkee
Reefuu naaf galeen gaabbe!
ATII...!
Kakuuf irbuu onneekoo
Qaratti dhidhimsitee
Qoodan dhugaan si jaalle
Jibbakoo liqimsite
Gulantaa jaalalaatiin
Gola onneekoo teessee
Onneekee keessa garuu
Jibbakoo hammartee keesse !
Eenyummaakoo siif kennee
Si godhus hunda duree
Gola onneekee keessa
Bakka homaa hin qabun ture
Na ooddee na jibbitee
Ofii keettii na murtee
Gola onneekee keessaa
Kakuu kiyya gurgurte!
Ani garuu...!
Homaa sitti hin waakkanne
Gola onnee kiyyaa teessee
Kan hangana na gantu
Maalan sitti balleessee ?
Osoon dhugaan si jaalluus
Maaliif jibba naaf keessee?
Egaa...!
Erga na gantee deemtee
Natti taatee eelaakoo
Anis lamuu sin jeequ
Deebise qubeelaakoo
Maallaqnis si gowwoomsee
Erga sitti aanee dhibbuu
Egaa nagaadhaan deemi
Ani garuu sin jibbu
Yaadannoo jaalalakees
Erga onneekoo hin yaallee
Anis faana deeffadhe
Nagaatti yaa jaalalle !
★★★ @jaalala ★★★
Waan #Dubbistaniif galatoomaa
Belina Wakjira
Yaada keessan nuuf qoodaa
@jaalalabot
@jaalala share godhaa
30.9K views15:19